Óskemende balasyn dalaǵa shyǵarǵan ata-analarǵa aıyppul salynady degen aqparat - jalǵan
ÓSKEMEN. QazAqparat – Óskemen qalasyndaǵy koronavırýstyń taralýyna jol bermeý maqsatynda qurylǵan shtab ókilderi turǵyndardy áleýmettik jelilerde tarap jatqan aqparatqa senbeýge shaqyrdy, dep habarlaıdy QazAqparat.
Kesheli beri áleýmettik jelilerde «Erteńnen bastap bilim ordalarynda reıd júrgiziledi. Eger balańyz qandaı da bir sebeppen mektepte bolsa, onda jazaǵa tartylasyz. Sondaı-aq bala dúkenderden, avtobýstardan, kósheden tabylsa, ata-anasyna aıyppul salynady» degen aqparat jeldeı esken.
«Bul málimet shyndyqqa janaspaıdy. Osyndaı jalǵan aqparat taratyp, el arasynda dúrbeleń týǵyzatyndar zań boıynsha jazaǵa tartylady», - dep habarlady shtab ókilderi.
Esterińizge sala ketsek, keshe Memleket basshysy halyqqa joldaǵan úndeýinde jalǵan aqparat taratyp, dúrbeleń týǵyzatyndar jaýapqa tartylatynyn aıtqan bolatyn.
