Óskemende balany anasyna berý týraly sot sheshimi oryndalmaǵan
ÓSKEMEN.KAZINFORM - Óskemen qalasynda balany anasyna berý týraly sot sheshimi úsh aı boıy oryndalmaǵan. Bul iske prokýratýra aralasyp, máseleni sheshti.
Kámeletke tolmaǵan balanyń anasymen birge turǵylyqty jerin aıqyndaý týraly sot sheshimi prokýratýranyń aralasýynan keıin ǵana naqty oryndaldy.
Shyǵys Qazaqstan oblystyq sotynyń azamattyq ister jónindegi sot alqasynyń 2025 jylǵy 27 qarashadaǵy qaýlysymen birinshi satydaǵy sot sheshimi ózgertilip, 2022 jyly týǵan kámeletke tolmaǵan balanyń anasymen birge turatyn turǵylyqty jeri aıqyndaldy.
Apellıatsııalyq saty istiń mán-jaıyn zertteı otyryp, balanyń jasyn, ata-anasymen emotsıonaldyq baılanysyn, psıholog mamannyń qorytyndysyn, anasynyń turmys jaǵdaıy men jumyspen qamtylýyn eskerip, qyz balanyń anasymen birge turýyna kedergilerdiń joq ekeni týraly qorytyndyǵa keldi.
Sot aktisi jarııalanǵan kúnnen bastap zańdy kúshine endi jáne mindetti túrde oryndalýǵa jatady. Alaıda sot sheshimi erikti túrde uzaq ýaqyt boıy oryndalmaǵan.
Úsh aıǵa jýyq ýaqyt ishinde bala is júzinde anasyna berilmeı, onyń zańdy quqyqtary men kámeletke tolmaǵannyń múddesi buzylǵan.
Buzylǵan quqyqtardy qalpyna keltirý maqsatynda qala prokýratýrasy den qoıý sharalaryn qabyldap, sot aktisiniń naqty oryndalýyn qamtamasyz etti.
Qabyldanǵan sharalardyń nátıjesinde zańdy kúshine engen sot qaýlysyna sáıkes bala anasyna berildi.
- Qala prokýratýrasy sot sheshiminiń Qazaqstan búkil aýmaǵynda mindetti túrde oryndalýǵa tıis ekenin eske salady. Olardy oryndamaý zańda kózdelgen jaýapkershilikke ákelip soǵady. Kámeletke tolmaǵandardyń quqyqtary men zańdy múddelerin qorǵaý prokýratýra organdary qyzmetiniń basym baǵyttarynyń biri bolyp qala beredi, - delingen habarlamada.
Aıta keteıik, sot saraptamasy júıesinde endi kompıýterlik tomografııa qoldanylady.