Óskemende balalardy tapanshamen qorqytqan er adamǵa izdeý salyndy
ÓSKEMEN. QazAqparat - Óskemende polıtsııa balalarǵa aqyryp, tapanshaǵa uqsas zatpen qorqytqan er adamdy izdep jatyr, dep habarlaıdy QazAqparat tilshisi oblystyq ishki ister departamenti baspasóz qyzmetiniń qyzmetkeri Áıgerim Nurǵazınaǵa silteme jasap.
Polıtsııaǵa Óskemenniń 37 jastaǵy turǵyny habarlasyp, 15 naýryz kúni keshkisin tapanshaǵa uqsas zat ustaǵan belgisiz er adam aqyryp, aýlada oınap júrgen balasyn qorqytqanyn aıtqan.
Úlbi polıtsııa bóliminiń tergeýshileri QR QK 293-babynyń («Buzaqylyq») 1-bóliginde kózdelgen qylmys belgileri boıynsha qylmystyq is qozǵady. Qylmyskerdiń aıyby anyqtalsa, eki jylǵa deıin bas bostandyǵynan aıyrylýy múmkin.
Qazirgi kezde polıtsııa qyzmetkerleri er adamnyń tulǵasyn anyqtap jatyr.
Budan tys, qala turǵyndary arasynda belgisiz er adam mektep oqýshysyna tapansha oqtap, aqsha jáne uıaly telefon talap etkeni týraly aýdıohabarlama tarap ketti.
WhatsApp-taǵy aýdıony qazir polıtsııa tekserip jatyr.
