Óskemende balalardyń paıdasyna 171 mln teńge alıment óndirildi

ASTANA. KAZINFORM – Óskemen qalasynda 6 myńnan astam alıment óndirý týraly sheshim oryndalyp jatyr. Tólemniń ýaqytyly túsýine 8 myńǵa jýyq bala úmit artyp otyr.

алимент
Фото: Kazinform

Alaıda júzdegen otbasy áli de ata-analardyń tólemnen jaltarýy máselesine tap bolyp otyr. Shyǵys Qazaqstan oblysy prokýratýrasy málimetinshe, búginde qalada 649 problemalyq óndiris bar, bereshek 1 mlrd teńgeden asady.

Óskemen qalasynyń prokýratýrasy olardyń quqyǵyn qorǵaý jumysyn kúsheıtti. Boryshkerlerdiń avtokólikteri ustalyp, olardyń derekteri «Potok» jáne «Mergen» júıelerine engizildi.

Júıeli túrde tólemeıtinderge ákimshilik jáne qylmystyq jaýaptylyq qoldanylyp jatyr. Resmı jumysy joq boryshkerler jumyspen qamtý ortalyǵyna jiberilip, olardyń eńbekke ornalasýy turaqty baqylaýda tur. Sonymen qatar jeke sot oryndaýshylaryna baqylaý kúsheıtilip jatyr.

Tekserý qorytyndysy boıynsha 25 tulǵa tártiptik jaýapkershilikke tartyldy. Jyl basynan beri balalardyń paıdasyna 171 mln teńge óndirildi.

Bul soma – ár balanyń tamaǵy, kıimi, emi, bilimi. Qadaǵalaýshy organ balalardyń quqyǵyn qorǵaý boıynsha keshendi jumysty jalǵastyryp jatyr.

Aıta keteıik, Shymkentte alımentke 4,8 mln teńge bereshegi bar er adam sottaldy.

Сейчас читают