Óskemende balalar úıinen qashyp ketken jasóspirimderdi 120 adam izdedi
ÓSKEMEN. QazAqparat – Óskemen qalasynyń polıtseıleri kámeletke tolmaǵan eki bozbalany balalar aýylyna qaıtardy, dep habarlaıdy QazAqparat.
«11 naýryz kúni saǵat 9.00-de «102» arnasyna balalar aýylyndaǵy eki tárbıelenýshiniń qashyp ketkeni týraly habar túsken. Іzdestirý sharalaryna 120 adam, onyń ishinde tártip saqshylary, 5518 áskerı bóliminiń sarbazdary jáne balalar aýylynyń qyzmetkerleri tartyldy. Olar iz-túzsiz joǵalǵandardyń týystarymen baılanysqa shyǵyp, saıajaılardyń aýmaǵyn tekserip shyqty», - dep habarlady qalalyq Polıtsııa basqarmasynyń baspasóz qyzmeti.
Nátıjesinde, polıtseıler joǵalǵan bozbalalardy qala shetinen tapqan. Ekeýi de balalar aýylyna aman-esen jetkizildi.
Jósóspirimderdiń aıtýynsha, olar birge oqıtyn balanyń Semeıdegi apaıynyń úıine bet alǵan.
Qazirgi ýaqytta ıývenaldy polıtsııa olarǵa qatysty tıisti sharalardy júrgizýde.
