Óskemende balalar qaraýsyz qaldyrylǵan páterde órt shyqqan
ÓSKEMEN. QazAqparat - Óskemen qalasynda balalar qaraýsyz qaldyrylǵan páter órtendi, dep habarlaıdy QazAqparat.
27 qańtar kúni saǵat 17:24 shamasynda Moldaǵulova kóshesindegi kópqabatty turǵyn úı páterin qyzyl jalyn sharpydy. Páter ishindegi aǵash esik pen jeke zattar janyp ketken. Tilsiz jaýdyń jalpy aýmaǵy 0,5 sharty metrdi qurady. Zardap shekken eshkim joq.
«Órttiń shyǵý sebepterin anyqtaý barysynda belgili bolǵandaı, 9 jáne 13 jastaǵy eki bala úıde úlkenderdiń qaraýynsyz qalǵan. Olar kúnbaǵys maıy quıylǵan ydysty qyzdyrmaq bolyp peshti qosady. Maı kúıip, tútin shyǵa bastaǵan kezde olar maıly ydysqa sý shashyp jibergen. Osydan órt shyǵyp, jalyn páterge jaıylǵan» - dep habarlady Óskemen qalalyq Tótenshe jaǵdaılar bóliminiń baspasóz qyzmeti.
