Óskemende balalar aýylynan taǵy eki tárbıelenýshi qashyp ketken
ÓSKEMEN. QazAqparat – Óskemen qalasynda polıtseıler balalar aýylynan ruqsatsyz ketip qalǵan eki jetkinshekti tapty, dep habarlaıdy QazAqparat.
Qalalyq Polıtsııa basqarmasy baspasóz qyzmetiniń málimetine súıensek, búgin tańǵy saǵat 04.30-da balalar aýylynan qashyp ketken 12 jastaǵy ul men qyzǵa izdeý jarııalanǵan.
«Jedel-izdestirý sharalaryn júrgizgen tártip saqshylary olardy qaladaǵy saýda ortalyqtarynyń birinde serýendep júrgen jerinen taýyp aldy. Qazirde ekeýi balalar aýylyna qaıtarylǵan. Muǵalimder men psıhologtar jetkinshektermen áńgimelesýde», - dep habarlady vedomstvo ókilderi.
Esterińizge sala ketsek, 11 naýryz kúni atalmysh balalar aýylynan qashyp shyqqan eki bozbala qala shetinen tabylǵan bolatyn.
