Óskemende balaǵa syra ishkizgen quqyqbuzýshy izdestirilýde
ASTANA. QazAqparat - Óskemen qalasynda 23 shildede áleýmettik jelilerge tarap ketip, kópshiliktiń talqysyna túsken fotoǵa qatysty tártip saqshylary tekserý amaldaryn júrgizip jatyr, dep habarlaıdy «QazAqparat» HAA tilshisi.
Fotosýretke aýlada oınap otyrǵan balanyń aýzyna syra bótelkesin usynyp jatqan er adam túsip qalǵan. Boljam boıynsha, bótelkeniń ishinde syra bolýy múmkin. Dese de, istiń mán-jaıyn quqyq qorǵaýshylar zerttep jatyr.
«Ol fotony tekserip, oqıǵa bolǵan oryndy anyqtadyq. Fotosýret Óskemen qalasynyń aýlalarynyń birinde túsirilgen. Qazirgi ýaqytta fotoda kórsetilgen adamdardyń kim ekeni anyqtalý ústinde», - deıdi ShQO ІІD baspasóz qyzmetiniń bastyǵy Baqytjan Torǵaev.
Quzyrly organ ókiliniń aıtýynsha, jaýapkershilikke tartý máselesi quqyqbuzýshynyń kim ekenin anyqtaǵannan keıin sheshiletin bolady.
