Óskemende balabaqsha tárbıeshilerine smartfon qoldanýǵa tyıym salyndy
ASTANA. QazAqparat - Óskemen bilim berý ortalyǵy balabaqshalardaǵy tárbıeshiler men bala kútýshilerge smartfon qoldanýǵa tyıym saldy, dep habarlaıdy ustinka.kz.
«2016 jyly 30 qarashada ótken ShQO Ata-analar qoǵamdastyǵy keńesiniń otyrysynda osyndaı sheshim qabyldandy. Mundaı qadam balalardyń qaýipsizdigin qamtamasyz etý úshin jasaldy, tárbıeshi smartfonǵa alańdamaı, balalardyń jyǵylyp-qulap qalmaýyn qadaǵalaýy tıis», - dep habarlady mekeme. Smartfon qoldanbaý týraly talap qalanyń barlyq mektepke deıingi mekemeleriniń tárbıeshileri men bala kútýshilerine jiberiledi. Ata-analarmen sóılesý úshin qyzmetkerler qarapaıym knopkaly telefondy qoldanýy tıis. Ata-analarǵa shekteý qoıylmaıdy.
