Óskemende azyq-túlik baǵasyn ósirgen kásipkerlerge aıyppul salyndy
Shyǵys Qazaqstan obylysy Aqparat ortalyǵynyń habarlaýynsha, baǵany baqylaý jónindegi jumys toby turǵyndar tarapynan shaǵym túsken saýda núktelerine reıd júrgizdi. Nátıjesinde azyq-túlik baǵasyn bekitilgen shekten asyrǵan birqatar kásipker anyqtalǵan. Olarǵa 100 AEK mólsherinde aıyppul salyndy.
«Áleýmettik mańyzy bar ónimderdiń qymbattaǵanyn baıqaǵandar Óskemen qalalyq Kásipkerlik bólimine 8 (7232) 24-82-67 telefon nómiri arqyly nemese 1300 baılanys ortalyǵyna qońyraý shaldy. Azyq-túliktiń shekti baǵasy kelesideı bolýy kerek: Birinshi sortty bıdaı unynyń 1 kelisi – 146 teńge, birinshi surypty bıdaı unynan pisirilgen nan 1 kelisi - 150 teńge, makaron (ólshenip salynǵan) 1 kelisi - 194 teńge, qaraqumyqtyń 1 kelisi - 281 teńge, kúrishtiń 1 kelisi - 306 teńge, sıyr etiniń 1 kelisi – 1 750 teńge, taýyq jumyrtqasy (І sanat) 10 danasy - 280 teńge, kúnbaǵys maıynyń 1 lıtri - 388 teńge, as tuzynyń (»Ekstradan« basqasy) 1 kelisi - 47 teńge», - delingen málimette.
