Óskemende aıý atqan brakoner ustaldy
ShQO Polıtsııa departamenti baspasóz qyzmetiniń málimetine súıensek, tártip saqshylary óńir aýmaǵynda tabıǵat qorǵaý zańnamasyn buzý faktilerin anyqtaý jáne jolyn kesý maqsatynda «Brakoner» jedel aldyn alý sharasyn júrgizýde.
Shara barysynda polıtsııa qyzmetkerleri Tarhanka aýylynyń mańynda myltyqpen aıý atyp óltirgen Óskemen qalasynyń 51 jastaǵy turǵynyn ustady. Etti ózine qaldyrǵan k.dikti aıýdyń tabanyn satyp jibermek bolǵan.
«Atalǵan fakti boıynsha QR QK-niń 337-babyna (Zańsyz ań aýlaý) sáıkes sotqa deıingi tergeý amaldary bastaldy. Qazirgi ýaqytta memleketke keltirilgen shyǵyn mólsheri anyqtalýda. Kúdikti 3 jylǵa deıingi merzimge bas bostandyǵynan aıyrylýy múmkin», - dedi oblystyq PD bastyǵy Saǵat Mádıev.
Jedel aldyn alý sharasy bastalǵaly beri barlyǵy 360-tan astam reıd ótkizilip, tabıǵat qorǵaý zańnamasyn buzýdyń 605 faktisi tirkeldi. Sonymen qatar 10 brakoner ustalyp, olarǵa qatysty qylmystyq is qozǵaldy.