Óskemende áıeldi poıyz qaǵyp ketti

ÓSKEMEN. KAZINFORM – Óskemen qalasynda áıel adamdy poıyz qaǵyp ketti. Qazir oqys oqıǵaǵa baılanysty tergeý júrgizilip jatyr.

Kóliktegi polıtsııa departamentiniń málimetine súıensek, oqıǵa qala irgesinde ornalasqan Zaşıta yqshamaýdanyndaǵy «Óskemen-1» stantsııasynda bolǵan.

«Júk poıyzy belgilenbegen jerden joldy kesip ótip bara jatqan 40 jastaǵy áıeldi qaǵyp ketti», - delingen aqparatta.

Áıel adam túrli jaraqattarymen aýrýhanaǵa jetkizildi. Qazirgi ýaqytta atalǵan fakti boıynsha sotqa deıingi tergeý amaldary júrgizilýde.

Eske salsaq, osyǵan deıin Abaı oblysynda bıyl jol-kólik oqıǵalaryna túskender sany eki esege artyp ketkeni habarlanǵan bolatyn.