Óskemende áıeldi qaǵyp óltirgen avtobýs júrgizýshisine sot úkimi shyqty

ÓSKEMEN. KAZINFORM – Óskemen qalasynda áıeldi qaǵyp óltirgen avtobýs júrgizýshisi 2 jarym jylǵa bas bostandyǵynan aıyryldy.

Qalalyq №2 sotynda qaralǵan istiń materıaldarynan belgili bolǵandaı, №6b avtobýsy Abaı dańǵylynyń boıymen kele jatqan. Rettelmegen ótkelde júrgizýshi jaıaý júrginshige jol bermeı, qaǵyp túsirgen. Sonyń saldarynan áıel adam oqıǵa ornynda til tartpaı ketti.

Sot sheshimimen aıyptalýshy QR Qylmystyq kodeksiniń 345-baby 3-bóligimen (Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýynyń adam ólimine ákelip soǵýy) kináli dep tanyldy.

«Sottalýshyǵa 2 jyl 6 aıǵa bas bostandyǵynan aıyrý jazasy kesildi. Sondaı-aq oǵan bes jyl merzimge kólik aıdaýǵa tyıym salyndy. Úkim áli zańdy kúshine engen joq», - delingen sot úkiminde.