Óskemende áıel balasyna 1,5 mln teńge alıment tólemegen
ÓSKEMEN. QazAqparat – Óskemen qalasynda 24 jastaǵy áıel balasyna 1,5 mln teńge alıment tólemegen, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, kóshi-qon qyzmetine jeke sot oryndaýshysynan óz balasyn kútip-baǵýǵa alıment tólemeıtin 24 jastaǵy anaǵa izdeý jarııalaý týraly qaýly kelip túsken.
«Kóp uzamaı áıeldiń Óskemen qalasynda turatyny anyqtaldy. Belgili bolǵandaı, ol 4 jyldan astam ýaqyt resmı túrde jumys istemegendikten, osynshama ýaqyt boıy balasyna alıment tólemeı kelgen. Búgingi tańda áıeldiń balasyna qaryzy 1 500 000 teńgeden asyp otyr. Endi aqshany óndirip alýmen sot oryndaýshylary aınalysady», - deıdi oblystyq PD bastyǵynyń birinshi orynbasary Eldos Zakımov.
Jyl basynan beri shyǵysqazaqstandyq polıtseıler balasyna alıment tólemegen 120-dan astam adamdy anyqtaǵan.
