Óskemende aıazǵa baılanysty 1-9 synyp oqýshylary mektepke barmaıdy

ÓSKEMEN. QazAqparat – Óskemen qalasynda aıazǵa baılanysty 1-11 synyp oqýshylary onlaın oqıdy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, dál qazir Óskemende aýa temperatýrasy 30 gradýsqa deıin tómendep tur. Soǵan oraı qalalyq Bilim bólimi tańerteń oqýshylardyń qashyqtan oqıtyndyǵyn habarlady.

«Qala boıynsha birinshi aýysymdaǵy 1-9 synyp oqýshylary mektepke barmaıdy. Ekinshi aýysymnyń qalaı oqıtyny saǵat 11.00-ge qaraı habarlanady», - delingen aqparatta.

Dúısenbi men seısenbi kúni Óskemendegi 1-11 synyp oqýshylary onlaın formatta bilim alǵan bolatyn.

Aıta keteıik, «Qazgıdromet» RMK ShQO fılıalynyń aqparaty boıynsha 30 qarashada túnde Shyǵys Qazaqstan oblysynyń soltústik-shyǵysynda 40 gradýsqa deıin aıaz saqtalady.