Óskemende avtomehanık klıentiniń kóligin satyp jiberdi
ASTANA. QazAqparat - Іshimdikke táýeldilik bankrottyqqa jetkizgen avtomehanık dosynyń kóligin jóndep berýge ýáde berip, artynsha satyp jibergen.
Bolǵan istiń mán-jaıy Óskemen qalasy №2 sotynyń materıaldarynda baıandalǵan, dep habarlaıdy YK-news.kz.
Óskemen qalasynyń 36 jastaǵy turǵyny jeke kásipker retinde tirkelip, jalǵa alǵan tehnıkalyq qyzmet kórsetý stantsııasynda avtokólikterdi jóndeýmen aınalysqan. Alaıda ishimdikke qumarlyq kásibin qurtyp tyndy. Avtoslesar birtindep barlyq qurylǵylaryn satyp, aqshasyn araqqa jumsady.
Jóndetýge qaldyryp ketken tanysynyń sheteldik kóligin qaskúnem habarlama arqyly tapqan avtokóliktiń qosalqy bólshekterin alatyn kásipkerge 200 myń teńgege satyp jiberdi.
Jóndeý merzimi aıaqtalǵan kezde kelip, kóligin tappaı qalǵan ıesi polıtsııaǵa júgingen. Sot ony iri kólemdegi alaıaqtyq boıynsha aıyptap, shartty túrde úsh jylǵa bas bostandyǵynan aıyrý úkimin shyǵardy. Buǵan qosa, májbúrli túrde alkogolden emdeý taǵaıyndaldy.
Úkim ázirge zańdyq kúshine engen joq.
