Óskemende avtokólik urlyǵy 25 paıyzǵa artty
ÓSKEMEN. KAZINFORM — Óskemen qalasynda avtokólik urlyǵy kóbeıgen. Qalada bıyl tirkelgen kólik urlyǵy ótken jyldyń sáıkes kezeńimen salystyrǵanda 25 paıyzǵa ósken. Tirkelgen qylmystarǵa júrgizilgen taldaý kórsetkendeı, kóp jaǵdaıda urlyqqa avtokólik ıeleriniń óz nemquraılyǵy sebep bolyp otyr.
— Kóp jaǵdaıda júrgizýshiler kólikterin qulyptamaı qaldyryp, kiltterin salonda umytyp ketken nemese kólikti jaqyn tanymaıtyn adamdarǵa bergen. Mundaı salǵyrttyq tek materıaldyq shyǵynǵa ǵana emes, aýyr zardaptarǵa da ákelýi múmkin, — dep habarlady Óskemen qalasy prokýratýrasynan.
Máselen, bıyl sáýir aıynda avtokólik urlyǵy qaıǵyly jol-kólik oqıǵasyna sebep boldy. Jol apaty saldarynan kólik urlaǵan adam men basqa bir júrgizýshi qaza bolyp, taǵy bir jolaýshy aýyr jaraqat alǵan.
Osy rette, prokýratýra qyzmetkerleri kólik ıelerin barynsha muqııat bolýǵa shaqyrdy.
Eske salsaq, osyǵan deıin Aralda kóshede kólik tizgindegen 6 jastaǵy balanyń ata-anasyna aıyppul salynǵany habarlanǵan.
