Óskemende avtobýstarǵa elektrondy bıletteý júıesin engizý keıinge qaldy
ÓSKEMEN. QazAqparat - Óskemen qalasynda qoǵamdyq kólikterge elektrondy bıletteý júıesin engizý keıinge shegerildi, dep habarlaıdy QazAqparat.
Óskemen qalasynda avtobýstarǵa elektrondy bıletteý júıesin engizý jobasy 2019-2020 jyldary iske asyrylmaq bolǵan. Alaıda qala ákiminiń orynbasary Tamara Rahymjanovanyń aıtýynsha, bul joba belgili bir sebepterge baılanysty keıinge qaldyrylǵan.
«Áýel basta elektrondy bıletteýdi tramvaılarǵa engizýdi josparlap otyrmyz. Bıylǵy jyldyń 4 toqsanynda osy maqsatta arnaıy jabdyqtar jetkizilýi tıis» - deıdi ol.
Foto: yk-news.kz
