Óskemende avtobýstardyń 30 paıyzy talapqa saı kelmeıdi
Oblystyq prokýratýranyń keńeıtilgen alqa májilisinde Óskemendegi qoǵamdyq kólikterdiń qorshaǵan ortaǵa zııany týraly sóz qozǵaldy.
Tekserý barysynda belgili bolǵandaı, avtobýstardaǵy zııandy zattardyń shyǵaryndylary ruqsat etilgen shekti kontsentratsııadan asyp tur.
«Qala boıynsha jolaýshy tasymaldaıtyn 300-den astam avtobýs bar. Onyń ishinde otyz paıyzǵa jýyǵy tehnıkalyq reglament talaptaryna sáıkes kelmeıdi. Mundaı olqylyqty anyqtaý – ekologtardyń mindeti. Biraq bul jumys tıisti deńgeıde júrgizilmeı jatyr», - dedi tabıǵatty qorǵaý jónindegi arnaıy prokýror Konstantın Pıchýgın.
Onyń aıtýynsha, jyldan-jylǵa quzyrly organdarǵa esepke alynbaıtyn shet memleketterden kelgen kólikter sany artyp keledi.
Bul qala ekologııasyna keri áserin tıgizýde.
Sondaı-aq ýly shyǵaryndylary kóp avtokólikterdiń sapasyz janarmaıdy paıdalaný máselesi de áli kúnge deıin sheshimin tappaı otyr.
Foto: www.nuenergy.org