Óskemende avtobýstar «Onay» júıesine kóshedi
ÓSKEMEN. KAZINFORM – Óskemen qalasynda avtobýstarǵa kelesi aıdan bastap «Onay» júıesi engiziledi.
Naýryz aıynan bastap qaladaǵy qoǵamdyq kólikterge «Onay» júıesi engizilmek. Onyń basty artyqshylyǵy - banktik qosymshalar arqyly onlaın aqsha salýǵa bolatyn vırtýaldy karta arqyly jol aqysyn tóleý.
- «Onay» júıesi árbir avtobýs pen tramvaıdaǵy jolaýshylar aǵyny, qaı sanattaǵy adamdar kóbine qandaı baǵyttarda júredi degen sııaqty qajetti málimetterdi alýǵa múmkindik beredi. Alda qala boıynsha balalarǵa qoǵamdyq kólikterdi tegin qylý máselesin qarastyryp jatyrmyz. Sondyqtan osyndaı aqparattardy jınastyrýymyz kerek, - dedi qala ákimi Almat Aqyshov.
Aıta keteıik, Óskemende 2021 jyldan beri qoǵamdyq kólikterde elektrondy bıletteý júıesi jumys istep keledi.
Eske salsaq, osyǵan deıin pavlodarlyq jolaýshylardyń qoǵamdyq kólikke shaǵymy kóptigi habarlanǵan.