Óskemende avtobýstar ár reıs saıyn dezınfektsııalanyp otyr

ÓSKEMEN. QazAqparat – Óskemen qalasynda avtobýstar ár reıs saıyn tazartylýda, dep habarlaıdy QazAqparat.

Bul jaıly búgin qalalyq ákimdikte ótken jıynda turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bóliminiń basshysy Erkin Turarov málim etti.

«Kún saıyn shahar boıynsha 287 avtobýs, 85 shaǵyn avtobýs jáne 20 tramvaı qatynaıdy. Koronavırýstyń taralýyna jol bermes úshin ár reısten keıin salondar dezınfektsııalanyp jatyr. Sondaı-aq osy maqsattaǵy qajetti sharalardy engizý úshin marshrýttar kestesi qaıta qaralmaq», - deıdi ol.

Esterińizge sala ketsek, osyǵan deıin Óskemende kópshilik oryndardaǵy balalar oıyn alańdarynyń jabylǵanyn habarlaǵan bolatynbyz.