Óskemende avtobýs jolaqysy qyrkúıek aıynda ózgermeıtin boldy
ÓSKEMEN. KAZINFORM - Óskemen qalasynyń qoǵamdyq kólikterindegi jolaqy mólsheri qyrkúıek aıynda ózgermeıdi. Tarıftiń kóterilýi qazan aıyna josparlanyp otyr.
Qalalyq máslıhat jańa tarıfter jobasyn maquldady. Soǵan sáıkes, bir rettik jol júrý aqysy qolma-qol aqshasyz tólem kezinde qazirgi 90 teńgeden 120 teńgege deıin, al qolma-qol tólem jasaǵanda 130 teńgeden 200 teńgege deıin kóteriledi dep josparlanǵan.
Osylaısha, qolma-qol aqshasyz esep aıyrysatyn jolaýshylar úshin jolaqy 30 teńgege nemese 33,3 paıyz qymbattaıdy. Al qolma-qol tóleıtinder úshin ósim 70 teńge nemese 53,8 paıyz.
Bastapqyda jańa tarıfterdi 1 qyrkúıekten bastap engizý josparlanǵan bolatyn. Bul merzim shilde aıynda, jolaqyny kóterý máselesi kópshilik aldynda talqylana bastaǵan kezde aıtylǵan edi. Alaıda máslıhat tarıf jobasyn bekitkennen keıin tıisti qujattardy rásimdeý qajet.
- Máslıhat sheshim jobasyn bekitkennen keıin tıisti qujattardy rásimdeýge ýaqyt kerek. Jańa tarıfter qazan aıynda engiziledi dep josparlanǵan. Naqty merzim barlyq qajetti rásimderdiń aıaqtalýyna baılanysty bolady, - dep habarlady Óskemen qalasynyń ákimdiginen.
Eske salsaq, osyǵan deıin Óskemende qoqys shyǵarý tarıfi ózgergeni habarlanǵan.
