Óskemende avtobýs jaıaý júrginshini qaǵyp ketti
ÓSKEMEN. QazAqparat – Óskemen qalasynda avtobýs jaıaý júrginshini qaǵyp ketti, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, jol-kólik oqıǵasy 23 qańtarda saǵat 18:40 shamasynda Qazaqstan kóshesinde boldy.
«IVECO markaly avtobýstyń 60 jastaǵy júrgizýshisi rettelmegen jaıaý júrginshiler jolaǵynan ótip bara jatqan 50 jastaǵy áıeldi qaǵyp ketken. Sonyń saldarynan dene jaraqatyn alǵan jaıaý júrginshi Óskemen qalasyndaǵy birinshi qalalyq aýrýhanaǵa jatqyzyldy», - dep habarlady vedomstvo ókilderi.
Qazirgi ýaqytta atalǵan fakti boıynsha QR Qylmystyq kodeksiniń 345-baby boıynsha sotqa deıingi tergeý amaldary júrgizilýde.
Birqatar sot-medıtsınalyq saraptama taǵaıyndalǵan. Sonyń qorytyndysyna sáıkes protsessýaldyq sheshim qabyldanady.
