Óskemende avtobýs qaqqan 5 jasar qyz kóz jumdy
ÓSKEMEN. QazAqparat – Óskemen qalasynda avtobýs qaqqan 5 jasar qyz kóz jumdy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 21 aqpan kúni saǵat 17.00 shamasynda Bajov kóshesinde bolǵan.
- Qoǵamdyq kólik júrgizýshisi jolaýshylardy aıaldamadan túsirgen kezde qaýipsizdik talaptaryn saqtamaı, 5 jasar qyzdy qaǵyp ketti. Sonyń saldarynan ol sol jerde mert bolǵan, - delingen aqparatta.
Qazirgi ýaqytta atalǵan fakti boıynsha QR Qylmystyq Kodeksiniń 345-baby 3-bóligine sáıkes sotqa deıingi tergeý amaldary júrgizilýde.
