Óskemende avtobýs qaǵyp ketken jaıaý júrginshi kóz jumdy

 Óskemen qalasynda avtobýs qaǵyp ketken jaıaý júrginshi qaza tapty, dep habarlaıdy Kazinform. 

Oqıǵa 28 qarasha kúni tańerteń bolǵan. Abaı dańǵylyndaǵy aıaldamada marshrýttyq avtobýs júrgizýshisi jaıaý júrginshini qaǵyp ketti. Sonyń saldarynan ol sol jerde kóz jumdy.

Atalǵan fakti boıynsha Qylmystyq kodekstiń 345-baby 3-bóligimen (Kólik quraldaryn basqaratyn adamdardyń abaısyzda adam ólimine ákep soqqan jol qozǵalysy erejelerin buzýy) sotqa deıingi tergeý amaldary bastaldy.

«Qazirgi ýaqytta tártip saqshylary tergeý júrgizip, oqıǵanyń barlyq mán-jaıyn anyqtap jatyr. Birqatar sot-medıtsınalyq saraptama taǵaıyndaldy. Sonyń qorytyndysy boıynsha protsessýaldyq sheshim qabyldanady», - dep habarlady ShQO Polıtsııa departamentiniń baspasóz qyzmeti.