Óskemende avtobýs aıaldamasynda er adam jan tapsyrdy
ÓSKEMEN. QazAqparat - Óskemende aıaldamalardyń birinen er adamnyń óli denesi tabyldy. Polıtseıler onyń tulǵasyn anyqtaýǵa kiristi, dep habarlaıdy QazAqparat tilshisi.
Aıaldamada er adamnyń óli denesi jatqany týraly «102-ge» jedel járdem brıgadasy habar bergen. Jedel járdemdi qala turǵyndary shaqyrǵan.
«Oqıǵa ornyna barǵan Óskemen ІІB jedel tergeý toby anyqtaǵandaı, Ordjonıkıdze kóshesinde, «Sberkassaǵa» qarama-qarsy aıaldamada turǵan 57 jastaǵy er adam jedel medıtsınalyq kómek kelgenshe qaıtys bolǵan. Aldyn ala málimetter boıynsha, oqıǵa qylmystyq sıpatqa ıe emes. Tekserý júrgizilýde», - dep málimdedi Shyǵys Qazaqstan oblystyq Іshki ister departamentiniń ókilderi.
