Óskemende aýtızmge shaldyqqan balalarǵa arnalǵan ortalyq ashyldy
ASTANA. QazAqparat - Bolat Ótemuratovtyń «Asyl Mıras» jeke qaıyrymdylyq qory «Aýtızm. Barshamyzǵa bir álem» baǵdarlamasy aıasynda Óskemen qalasynda «Aýtızmge shaldyqqan balalarǵa arnalǵan» tórtinshi ortalyqty ashty.
«Asyl Mıras» ortalyqtary bul aýtızmige shaldyqqan balalar men olardyń ata-analary kásibı mamandardan kópfýnktsııaly kómekter ala alatyn biregeı mekeme. Ondaǵy bir balaǵa arnalǵan ońaltý kýrsy 5,5 aıǵa eseptelgen.
«Biz aýtıstik aqaýlary bar balalardy áleýmettik beıimdeýge jáne olardyń tolyqqandy ómirin qalyptastyrýǵa kómekteskimiz keledi. Bizdiń qordyń maqsaty olardy álemdik deńgeıdegi ońaltý baǵdarlamasymen Qazaqstanda qamtamasyz etý. Sondyqtan da, biz ońaltý boıynsha álemdik deńgeıdegi jetekshi mamandarmen jumys isteýdemiz. 2015 jyldyń maýsym aıynda biz Almaty qalasynda alǵashqy ortalyqty ashtyq, sosyn qyrkúıek aıynda osyndaı ortalyq Astana qalasynda, al 2016 jyldyń maýsym aıynda Qyzylorda qalasynda ashyldy.
Bizge kún saıyn erekshe balalardyń ata-analary habarlasyp jatady. Qazirgi ýaqytta «Asyl Mırastyń» úsh ortalyǵyna 1530 otbasy kómek surap keldi, 827 bala dıagnostıkanyń birneshe kezeńinen ótti. 567 bala psıhologııalyq-pedagogıkalyq ońaltý baǵdarlamasyna engizildi.
Óskemen qalasyndaǵy jańa ortalyqty qosa alǵanda «Aýtızm. Barshamyzǵa bir álem» baǵdarlamalar jelisi aǵymdaǵy jyldyń sońyna deıin 478 bala men olardyń otbasylary eń zamanaýı ońaltý, túzetý jáne konsýltatsııalyq kómekter ala alatyn bolady», - dedi «Asyl Mıras» qorynyń dırektory Marat Aıtmaǵambetov.
Tórtinshi balalar mekemesin ashý bul «Aýtızm. Barshamyzǵa bir álem» baǵdarlamasyn damytýdyń josparly qadamy. Jyl saıyn tórt qalada baǵdarlama qatysýshylary aýtızmi bar 700-den astam balalar men olardyń otbasyn qamtıtyn bolady. Erte dıagnostıkany engizý, kásibı ońaltý baǵdarlamalary men áleýmettik yqpaldastyrý Qazaqstandaǵy erekshe balalardyń ómir sapasyn arttyrýǵa baǵyttalady. Barlyq ortalyqtar tegin qyzmet kórsetedi.
