Óskemende aýrýhana patsıenti terezeden sekirmek boldy
ÓSKEMEN. QazAqparat – Óskemen qalasynyń aýrýhanasynda naýqas azamat terezeden sekirmek boldy, dep habarlaıdy QazAqparat tilshisi Polisia.kz saıtyna silteme jasap.
ShQO boıynsha Qylmystyq-atqarý júıesi departamenti tergeý ızolıatorynyń rejımi men qaýipsizdigi bóliminiń qyzmetkerleri Mádı Orazambaev pen Erjigit Baqtııarov №4 qalalyq aýrýhanada kezekshilikte bolǵan. Saǵat 23.00 shamasynda olardan kómek suraǵan medbıke arǵy palatadaǵy patsıentterdiń biri ózin-ózi óltirýge oqtalǵanyn aıtqan.
M.Orazambaev dereý palataǵa baryp, terezeden sekirmek bolǵan adamdy áńgimege tartqan. Alaıda ashýǵa býlyqqan naýqas qyzmetkerge judyryq jumsaı jóneledi. Basyna soqqy tıgenine qaramastan, Mádı ony birden ustap alǵan. Sodan keıin er adamdy qaýipsiz jerge deıin kúshtep aparyp, ne sebepti sýıtsıd jasamaqshy bolǵanyn bilýge tyrysty.
«Erlik tanytqan Mádı Orazambaevqa zor alǵysymdy bildiremin. Sol sátte óne-boıymdy úreı bıledi. Aýrýhanada quqyq qorǵaý organynyń qyzmetkerleri kezekshilikte turǵanyn kórgende lezde olardan kómek suradym. Eger jedel áreket etken Mádı Orazambaev bolmasa qaıǵyly jaǵdaıdyń oryn alýy ábden múmkin edi», - dedi Óskemen qalalyq №4 aýrýhananyń medbıkesi Olga Chervonnaıa.
