Óskemende aýaǵa zııandy shyǵaryndylar 20% azaıady – mınıstr Brekeshev

ÓSKEMEN. QazAqparat – Óskemende ónerkásiptik iri 16 kásiporyn shyǵaryndylaryn 20% azaıtý kózdelip otyr. Bul týraly Shyǵys Qazaqstan oblysynyń jurtshylyǵymen kezdesken QR Ekologııa, geologııa jáne tabıǵı resýrstar mınıstri Serikqalı Brekeshev aıtty, dep habarlaıdy QazAqparat tilshisi.

Mınıstr turǵyndarǵa óńirdiń ekologııalyq jaǵdaıyn jaqsartý boıynsha júrgizilip jatqan jumystar týraly málim etti.

«Jasyl Qazaqstan» ulttyq jobasy aıasynda 10 qalada, sonyń ishinde Óskemende 5 jyl ishinde 16 iri ónerkásiptik kásiporyn shyǵaryndylaryn 20% azaıtý kózdelip otyr. Máselen, osy jyldyń birinshi jarty jyldyǵynyń qorytyndysy boıynsha kásiporyn shyǵaryndylary 6,7% tómendegeni baıqalady. ShQO-dan ulttyq jobaǵa «Kaztsınk» Óskemen metallýrgııalyq kesheni JShS jáne «Óskemen» JEO JShS kiredi», - dedi vedomstvo basshysy.

Onyń aıtýynsha, jasyl jelek otyrǵyzýdyń da ekologııaǵa oń áserin tıgizetindigi anyq. Osy baǵytta da aýqymdy jumystar atqarylmaq.

«Ótken jyly Shyǵys Qazaqstan oblysynda 18 mln kóshet otyrǵyzylǵan. Bıyl 5100 gektar alqapqa 21 mıllıonǵa jýyq kóshet otyrǵyzý kózdelýde», - dedi Serikqalı Brekeshev.

Foto: QR Ekologııa, geologııa jáne tabıǵı resýrstar mınıstrliginiń baspasóz qyzmeti