Ekologııa talaptary buzyldy: Óskemende kásiporynǵa shara qoldanyldy
ÓSKEMEN. KAZINFORM — Óskemen qalasynda qolaısyz meteorologııalyq jaǵdaılar kezinde zııandy shyǵaryndylar normasyn asyrǵan jylý kompanııasyna aıyppul salyndy.
ShQO Ekologııa departamenti «Shyǵys Jylý» AQ-ǵa qatysty jospardan tys tekserý júrgizdi.
— Sonyń aıasynda qolaısyz meteorologııalyq jaǵdaı qalyptasqan kúnderi aýaǵa taraıtyn shyǵaryndylar kózderine baqylaý ólshemderi júrgizildi. Nátıjesinde kómirtek oksıdi boıynsha belgilengen normatıvterdiń tórt esege deıin artqany anyqtaldy, — dep habarlady departamenttiń baspasóz qyzmetinen.
Jelsiz kúnderi shyǵaryndylardy azaıtý talaptarynyń saqtalmaýy ekologııalyq ruqsat sharttarynyń buzylýy bolyp sanalady.
— Tekserý qorytyndysy boıynsha kásiporyn ákimshilik jaýapkershilikke tartylyp, 3,5 mln teńge kóleminde aıyppul tóleýge mindettildi, Sondaı-aq anyqtalǵan zańbuzýshylyqtardy joıý týraly nusqama berildi, — delingen aqparatta.
Eske salsaq, osyǵan deıin Almatyda aqpan aıynda 600-den astam avtokólik ekologııalyq normany buzǵany habarlanǵan.
