Óskemende aýaǵa taraıtyn zııandy qaldyqtar kólemi normadan asyp ketti
ÓSKEMEN. KAZINFORM – Óskemen qalasynda aýa sapasyna monıtorıng júrgizildi.
ShQO Ekologııa departamentiniń mamandary Óskemendegi qolaısyz meteorologııalyq jaǵdaıdyń qalyptasýyna baılanysty ónerkásiptik kásiporyndardyń sanıtarlyq-qorǵaý aımaqtarynda aýa sapasyn tekserdi.
- Zertteýler sertıfıkattalǵan jabdyqtarmen júrgizildi. Aspaptyq ólsheýlerdiń nátıjeleri boıynsha kómirtegi totyǵy men kúkirt dıoksıdiniń ruqsat etilgen shekten az mólsherde asyp ketkeni anyqtaldy. Al basqa lastaýshy zattardyń normadan asýy tirkelgen joq, - delingen aqparatta.
Endi aýaǵa taraıtyn zııandy qaldyqtar kólemin naqty qaı kásiporynnyń normadan asyryp jibergenin anyqtaý úshin tekserý júrgizilip jatyr. Sonyń nátıjesinen keıin kásiporynǵa jospardan tys tekserý bastalyp, qoldanystaǵy zańnama aıasynda tıisti sharalar qabyldanady.
Eske salsaq, buǵan deıin Óskemendi tútin basyp turǵanyna alty kún bolǵanyn jazǵanbyz.