Óskemende aýaǵa taraǵan úsh zııandy zattyń mólsheri shekti deńgeıden asyp ketken

ÓSKEMEN. KAZINFORM – Óskemen qalasynda aýaǵa taraǵan úsh zııandy zat mólsheri ruqsat etilgen shekten asyp ketkeni anyqtaldy.

«Qazgıdromet» RMK Shyǵys Qazaqstan oblystyq fılıalynyń málimetine súıensek, 20 qańtarda Óskemen qalasynda atmosferalyq aýa sapasyna monıtorıng júrgizildi.

- Sonyń nátıjesinde aýaǵa taraǵan birneshe zııandy zattyń mólsheri shekti deńgeıden asyp ketkeni anyqtaldy. Eń joǵary kórsetkishter kúkirtsýtek, kúkirt dıoksıdi jáne kómirtek totyǵy boıynsha tirkeldi. Atap aıtqanda, kúkirtsýtektiń mólsheri shekti normadan 2,470 ese, kúkirt dıoksıdi 1,807 ese, al kómirtek totyǵy 1,713 ese asqan, - delingen aqparatta. 

Sonymen qatar qaladaǵy qolaısyz meteorologııalyq jaǵdaılar aıaqtaldy. Sınoptıkterdiń málimetinshe, erteń jel soǵyp, aýanyń lastaný deńgeıi tómen bolady dep kútilip otyr. 

Eske salsaq, osyǵan deıin elimizdiń 8 qalasynda aýa sapasynyń tómendeıtini habarlanǵan.