Óskemende aýaǵa taraǵan eki zııandy zat mólsheri ruqsat etilgen shekten asyp ketken

ÓSKEMEN. KAZINFORM – Óskemen qalasynda aýaǵa taraǵan eki zııandy zat mólsheri ruqsat etilgen shekten asyp ketkeni anyqtaldy.

Qalada kesheli beri jel soqpaı tur. Ekinshi dárejeli qolaısyz meteorologııalyq jaǵdaı 20 qańtar kúni saǵat 20:00-ge deıin jalǵasady.

- Búgin keı zııandy zattardyń ruqsat etilgen shekten asyp ketkeni anyqtaldy. Eń kóp kórsetkish kúkirt dıoksıdi boıynsha (3,3 ese) jáne kúkirtsýtek (3 ese) boıynsha tirkeldi. Jeldiń soqpaýy atmosferada lastaýshy zattardyń jınalýyna yqpal etedi. Jalpy, qala boıynsha aýanyń lastaný deńgeıi joǵary bolady dep boljanyp otyr, - dep habarlady «Qazgıdromet» RMK oblystyq fılıalynan.

Eske salsaq, osyǵan deıin Almatyda ekologııalyq shekteýleri bar aımaq belgilengeni habarlanǵan.