Óskemende aýaǵa taraǵan 3 zııandy zattyń shyǵaryndysy shekten asyp ketken
ÓSKEMEN. KAZINFORM — Óskemen qalasynda aýa sapasyna qatysty tekserý júrgizgen mamandar zııandy zattar shyǵaryndysy ruqsat etilgen shekten asyp ketkenin anyqtady.
«Qazgıdromet» RMK Shyǵys Qazaqstan oblystyq fılıalynyń málimetine súıensek, 8 sáýirde Óskemen qalasynda atmosferalyq aýa sapasyna monıtorıng júrgizildi. Sonyń nátıjesinde, 3 zııandy zattyń mólsheri shekti deńgeıden asyp ketkeni anyqtalyp otyr.
- Naqty aıtqanda, kúkirtsýtektiń mólsheri shekti normadan 2,050 ese, kúkirt dıoksıdi boıynsha 1,995 ese jáne azot dıoksıdiniń deńgeıi 1,017 ese asqan. Búgin qalada qolaısyz meteorologııalyq jaǵdaı (QMJ) qalyptasqan bolatyn. Al erteń jel soǵady dep kútilip otyr, - delingen aqparatta.
Aıta keteıik, oblys boıynsha QMJ kezderinde kásiporyndar aýaǵa taraıtyn zııandy zattar mólsherin azaıtýy tıis. Taıaýda Óskemende ekologııalyq talaptardy saqtamaǵan kásiporynǵa 20 mln teńge aıyppul salynǵan bolatyn.
Eske salsaq, osyǵan deıin ekologııalyq talaptardy buzǵany úshin Pavlodarda 8 ákim aıyppul tólegeni habarlanǵan.
