Óskemende aýa sapasynyń buzylyp turǵanyna erteń tórtinshi kún

ÓSKEMEN. KAZINFORM – Óskemen qalasynda 17 aqpannan beri qolaısyz meteorologııalyq jaǵdaı qalyptasyp tur.

Qala boıynsha 17 aqpannan beri jel soqpaı, kóshelerdi tútin basyp tur. Qolaısyz meteorologııalyq jaǵdaı qalyptasqandyqtan turǵyndarǵa dalada uzaq júrmeı, páterdegi terezeler men jeldetkishterdi jaýyp, qaınatylǵan, tazartylǵan nemese gazsyz mıneraldy sý men shaıdy jıi ishý usynylǵan.

- Óskemende 19 aqpan saǵat 20.00-den bastap 20 aqpan saǵat 20.00-ge deıin ekinshi dárejeli qolaısyz meteorologııalyq jaǵdaı qalyptasady, - dep habarlady «Qazgıdromet» RMK-dan.

Demek, erteńge deıin qala ishin tútin basyp turmaq. Dál qazirgi ýaqytta aýaǵa taraıtyn úsh zat boıynsha ruqsat etilgen shekten asyp túsý faktisi tirkeldi. Atap aıtqanda, kúkirtti sýtegi (1,925 ese), kómirtegi totyǵy (1,793 ese), kúkirt dıoksıdi (1,594 ese).

Eske salsaq, buǵan deıin Óskemendegi ekologııalyq bıýro kásiporyndardy baqylaýdy bastaǵany habarlanǵan.