Óskemende áskerıler sambodan saıysty
ÓSKEMEN. QazAqparat - Shyǵys Qazaqstan men Pavlodar oblysynyń áskerıleri Óskemende sambodan ótken saıysta baq synasty, dep habarlaıdy QazAqparat tilshisi.
Oblys ortalyǵyndaǵy №5518 áskerı bólimde ótken saıysqa Óskemen, Semeı, Kýrchatov jáne Pavlodar qalasynyń áskerı bólim sarbazdary synǵa tústi. Jarysqa qatysqan 49 úmitkerdiń 21-i sport razraıady normatıvterin oryndaǵan.
«Ásirese Óskemen, Kýrchatov jáne Pavloldar qalasynyń qurama komandasy jaqsy nátıjeler kórsetti. Kýochatov qalasynyń №3514 áskerı bóliminiń komandasy saıystyń eń bıik satysyna kóterildi. Ekinshi oryndy Pavlodar qalasynyń №6679 bólimi jeńip alsa, úshinshi oryn Óskemenniń №6699 áskerı bólimine buıyrdy. Budag bylaı jarys jyl saıyn ótetin bolady. Munda jeńimpaz atanǵandar respýblıkalyq birinshilikke joldama alyp otyrady» - deıdi Shyǵys óńirlik qolbasshylyǵynyń fızıkalyq daıyndyq jáne sport basshysy Baýyrjan Dáribaev.
