Óskemende áskerıge qysym kórsetken rota komandıri laýazymynan shettetildi

ÓSKEMEN. QazAqparat – Óskemen qalasynda áskerı qyzmetshige qysym kórsetken rota komandıri laýazymynan shettetildi, dep habarlaıdy QazAqparat tilshisi.

Áskerı qyzmetshiniń anasy rota komandıriniń zańsyz áreketteri jaıly áleýmettik jelige jazǵan. Onyń sózinshe, ulyna qysym kórsetken komandır nesıe alýǵa, úıine azyq-túlik ákelip berýge májbúrlep otyrdy.

QR Ulttyq ulannyń «Shyǵys» óńirlik qolbasshylyǵy atalǵan máselege qatysty resmı málimdeme jasady.

«Bul derek AEK-ǵa tirkelip, áskerı polıtsııa tekseris jumystaryn bastady. Sonymen qatar «Shyǵys» óńirlik qolbasshylyǵy da qyzmettik tekseris júrgizip jatyr. Qazirgi tańda 5518 áskerı bóliminiń áskerı qyzmetkeri kapıtan A. Saǵyntaev qyzmetinen shettetildi.Tekseris qorytyndysy boıynsha qosymsha habarlanatyn bolady», - deıdi «Shyǵys» óńirlik qolbasshylyǵy baspasóz qyzmetiniń bastyǵy Baǵdat Amangeldi.