Óskemende áskerı boryshyn ótep júrgen sarbaz joǵaldy
ÓSKEMEN. KAZINFORM — Óskemen qalasynda merzimdi áskerı qyzmettegi 2004 jylǵy Marhan Aıqyn Erlanulyn izdestirý jumystary júrgizilip jatyr.
Óskemen garnızony áskerı polıtsııa bóliminiń málimetinshe, 23 shilde kúni saǵat 06:30 shamasynda № 27943 áskerı bóliminiń zymyran-artıllerııalyq qarý-jaraq qoımasynda táýliktik kezekshilikte turǵan áskerı qyzmetshi qoıma aýmaǵynan óz betinshe belgisiz baǵytqa ketip qalǵan. Qazirgi ýaqytta ony izdestirý jumystary júrgizilip jatyr.
— Qazaqstan turǵyndarynan sarbazdyń júrgen jerin anyqtaýǵa kómektesýdi suraımyz. Naqty aqparat bergen azamattarǵa aqshalaı syıaqy beriledi, — delingen aqparatta.
Іzdestirilip jatqan áskerı qyzmetshiniń belgileri: boıy shamamen 177 sm, salmaǵy 80 kelideı, dene bitimi ortasha, kózi qara, shashy qysqa ári qara tústi, betinde meńderi bar. Aldyn ala málimet boıynsha, ústinde dalaǵa kııýge arnalǵan áskerı kıim bolǵan, alaıda kıimin aýystyryp alǵan bolýy múmkin.
Áskerı qyzmetshiniń ornalasqan jeri týraly aqparatty kelesideı baılanys nómirlerine habarlaýǵa bolady: 8 (7232) 62-34-15, 8 705 508 39 39, 8 775 553 53 35.
Sondaı-aq habarlasqan azamattardyń jeke derekteri qupııa saqtalatyny atap ótildi.
Eske salsaq, osyǵan deıin Oralda 200-ge jýyq jas sarbaz Ulttyq ulan qataryna qosylǵany habarlanǵan.
