Óskemende anasymen sózge kelip qalǵan jasóspirim bir kún boıy shatyrda tyǵylyp otyrǵan
ÓSKEMEN. QazAqparat – Óskemende joǵalyp ketken, kámeletke tolmaǵan jasóspirim tabyldy, dep habarlaıdy QazAqparat Shyǵys Qazaqstan oblysy Polıtsııa departamentine silteme jasap.
7 tamyzda І.Esenberlın kóshesinde turatyn azamatsha polıtsııaǵa óziniń 12 jastaǵy qyzynyń úıden ketip, qaıta oralmaǵany jóninde habarlaǵan.
Aqparatty alǵannan keıin Ulttyq gvardııa áskeri jáne polıtsııa qyzmetkerleri dereý qyzdy izdeýge kirisken. Keıin is-sharalarǵa Shyǵys Qazaqstan polıtsııa basqarmasy apparatynyń 40, Ulttyq ulannyń 60 qyzmetkeri jumyldyryldy. Bir táýlikke sozylǵan izdeý barysynda qyzmetkerler Óskemenniń 19-shy shaǵyn aýdanynynyń mańyndaǵy turǵyndardan surastyrý jumystaryn júrgizgen.
Іzdestirý jumystarynyń nátıjesinde, bala 8 tamyz kúni keshke tabyldy. Keıin belgili bolǵandaı, ol anasymen arada bolǵan janjaldan keıin úıden ketip, osy ýaqytqa deıin ózi turatyn úıdiń shatyrynda jasyrynǵan. Qyzmetkerler balany medıtsına tekseristen ótkizdi, densaýlyǵy birqalypty.
Qazirgi ýaqytta oqıǵanyń mán-jaıyn anytaý isimen ıývenaldy polıtsııa qyzmetkerleri aınalysýda.
