Óskemende anasy men balasy ıis tıip kóz jumdy
ÓSKEMEN. QazAqparat – Óskemen qalasynda sý jylytatyn qurylǵynyń qysqa tuıyqtalýy saldarynan eki adam jan tapsyrdy, dep habarlaıdy QazAqparat tilshisi.
Qalalyq Tótenshe jaǵdaılar departamenti baspasóz qyzmetiniń málimetinshe, tańǵy saǵat 05.00 shamasynda «Rodnıchok» baý-baqsha qoǵamdastyǵyndaǵy jer úıde órt shyqqan. Sý jylytatyn qurylǵy symdarynyń qysqa tuıyqtalýynan tutanǵan jalynnyń jalpy aýmaǵy 2 sharshy metrge jetti.
«Oqıǵa ornyna órt sóndirýshiler kelip jetkenshe úı ıesi ıis tııý belgilerimen jatqan 1983 jylǵy áıeli men 2018 jylǵy ulyn kóredi. Otaǵasy ekeýin syrtqa alyp shyqqan. Ókinishke qaraı, jedel járdem qyzmetkerkeri ekeýiniń ómirin saqtap qala almady», - dep habarlady vedomstvo ókilderi.
Aıta keteıik, órttiń shyǵýyna – elektr jabdyqtarynyń apattyq jaǵdaıda bolýy nemese elektr qurylǵysyn paıdalaný kezinde qaýipsizdik erejelerin saqtamaý sebep bolýy múmkin.
