Óskemende alty birdeı kólik soqtyǵysyp, 5 adam zardap shekti

ÓSKEMEN. KAZINFORM – Óskemen qalasyndaǵy ortalyq kóshelerdiń birinde alty kólik soqtyǵysyp, 5 adam, onyń ishinde 1 bala zardap shekti.

Jol apaty qaladaǵy Áýezov dańǵylynda bolǵan. 

«Ssanq Yong avtokóliginiń 23 jastaǵy júrgizýshisi M.Gorkıı kóshesinen Áýezov dańǵylyna shyǵyp kele jatqanda Mitsubishi kóligimen soqtyǵysqan. Sol soqqydan keıin jol-kólik oqıǵasyna eki GAZ, Lexus jáne Lada Granta kólikteri de tap boldy. Ssanq Yong júrgizýshisi ákimshilik jaýapkershilikke tartyldy», - delingen ShQO Polıtsııa departamentiniń baspasóz qyzmeti taratqan aqparatta.

Oblystyq Densaýlyq saqtaý basqarmasynyń málimetinshe, 5 adamǵa, onyń ishinde bir balaǵa medıtsınalyq kómek qajet boldy. Abyroı bolǵanda, aýyr jaraqat alǵan eshkim joq.