Óskemende alkogol ónimderi zańsyz saqtalǵan tórt jasyryn qoıma anyqtaldy

ÓSKEMEN. KAZINFORM - Óskemen qalasynda alkogol ónimderin zańsyz quıyp, saqtaýmen aınalysqan tórt jasyryn tseh pen qoımanyń jumysy toqtatyldy.

Almatyda 840 lıtrden astam alkogol ónimi tárkilendi
Foto: Rolisia.kz

Tekserý nátıjeleri týraly Óńirlik kommýnıkatsııalar qyzmetinde ótken baspasóz konferentsııasynda ShQO boıynsha Ekonomıkalyq tergep-tekserý departamenti Tergeý basqarmasy basshysynyń orynbasary Dýlat Nurlybek málimdedi.

– Óskemen qalasynda alkogol ónimderin zańsyz óndirý jáne saqtaý úshin paıdalanylǵan tórt qoıma anyqtaldy. Sot sheshimimen ondaǵy múlik tárkilendi, – dedi ol.

Vedomstvo dereginshe, esepke alynbaǵan jáne qoldan jasalǵan alkogol ónimderiniń zańsyz aınalymy bıýdjetke aktsız túsimderiniń túspeýine ǵana emes, óńir turǵyndarynyń ómiri men densaýlyǵyna da tikeleı qaýip tóndiredi.

Satyp alýshylar alkogol óniminiń zańdylyǵyn e-Sapa mobıldi qosymshasy arqyly esepke alý-baqylaý markasyndaǵy kodty skanerlep, óz betinshe teksere alady.

Eske salsaq, osyǵan deıin Ulytaýda alkogol satý tártibin buzǵan 82 kásipker jaýapqa tartylǵany habarlanǵan.