Óskemende alkogol ónimderin qoldan jasaýmen aınalysqan taǵy bir tseh jabyldy

NUR-SULTAN. QazAqparat - Quramynda spırti bar ónim Óskemen qalasyndaǵy óndiristik bazalardyń birinde uıymdastyrylǵan. Bul týraly Qarjylyq monıtorıng agenttigi málim etti, dep habarlaıdy QazAqparat.

«Tsehtyń qyzmetkerleri sýrrogatty alkogoldi antısanıtarııalyq jaǵdaıda spırtke sý, túrli boıaýlar men dámdeýishter qosý arqyly jasap otyrǵan. Bótelkelerge jalǵan aktsızdik markalar men túrli otandyq araq-sharap shyǵaratyn zaýyttardyń etıketkalary japsyrylǵan.

Eki tsehtyń ishine tintý júrgizý barysynda 16 myńnan astam ótkizýge daıyn turǵan qoldan jasalǵan alkogol ónimi, 715 lıtr spırt, 15 myńnan asa jalǵan aktsızdik markalar alyndy», - delingen resmı habarlamada.

Qazirgi ýaqytta zańsyz áreketke qatysy bar tulǵalardy anyqtaýǵa baǵyttalǵan jedel tergeý sharalary júrgizilip jatyr.

Eske salsaq, Óskemen qalasynyń kóterme qoımalarynyń birinen 49 myń bótelkeden astam mólsherde óndirýshileri men ataýlary ártúrli alkogol ónimderin zańsyz saqtaý deregi anyqtalǵan bolatyn .

Vıdeodan alynǵan kadr/t.me/afm_rk