Óskemende alıment boryshkerleri jumyspen qamtyldy
ÓSKEMEN.QazAqparat - Óskemen prokýratýrasy alıment boıynsha bereshegi bar azamattar úshin bos qyzmet oryndary jármeńkesin uıymdastyrdy, dep habarlaıdy «QazAqparat» HAA tilshisi.
Jármeńkege qalanyń 37 kásiporyny usynǵan bos oryndar tizimine elektr-gazben dánekerleýshi, betonshy, sylaqshy, qurylysshy, sondaı-aq qyzmet kórsetý salasy, ekonomıka jáne býhgalterlik esep mamandyqtary kirgen.
Bos qyzmet oryndary jármeńkesiniń nátıjesinde 30-ǵa jýyq jumyssyz azamat jumysqa turý múmkindigine ıe boldy.
Jumys jármeńkesi «Alıment tóle!» aktsııasynyń aıasynda «Jumyspen qamtý ortalyǵy» KMM men kásipkerlerdiń járdem kórsetýimen ótkizildi.
Sharaǵa tek alıment boryshkerleri ǵana emes, jumys izdep júrgen basqa da qalalyqtar qatysty.
