Óskemende áleýmettik osal toptaǵy halyqtyń 80%-y kómirmen qamtamasyz etildi
Qala ákimdiginiń málimetine súıensek, 230 myń tonna kómir shahar turǵyndarynyń qajettiligin tolyqtaı óteıdi. Onyń ishindegi 35 myń tonnasy halyqtyń áleýmettik osal toptaryna beriledi. Qarasha aıynyń basynda 157 349 tonna kómir satylǵan. Bul jalpy kólemniń 68,4 paıyzyn qurap otyr.
«Kómirdi arzan baǵaǵa satyp alyp, birneshe ese qymbatqa ótkizetinder az emes. Mine, sonyń saldarynan qymbatshylyq týyndaıdy. Negizinen qalada kómir saýdasy shilde aıynda bastalady. Bul jaıly jurtshylyqty ylǵı habardar etemiz. Alaıda kóbisi kómirdi kún sýytqanda ǵana izdeýge kirisedi», - delingen aqparatta.
Búgingi tańda Óskemen turǵyndary áleýmettik kómirmen 80 paıyzǵa qamtamasyz etilgen.
Esterińizge sala ketsek, osyǵan deıin ShQO-da birneshe kún kómir kezeginde turǵan er adamnyń ózin órtep jibermek bolǵany habarlanǵan edi.