Óskemende ál-Farabıdiń 1150 jyldyǵyna oraı kórme ashyldy
«Bıyl ál-Farabıdyń 1150, hakim Abaıdyń 175 jyldyq mereıtoılaryn el bolyp atap ótýdemiz. Bul kórmege ǵulamanyń ómirinen syr shertetin týyndylar qoıylǵan. Fılosoftyń oı-tujyrymy bizdiń ulttyq bolmysymyzdyń túp qazyǵy desek artyq aıtqandyq emes. Mádenı sharalar áli de jalǵasyn tappaq», – deıdi mýzeı dırektory Bekaıym Uıabaeva.
Shara barysynda óńirdegi oqý ordalarynyń oqytýshylary men magıstranttary ál-Farabı týraly baıandama jasap, oı bólisti. Sondaı-aq kórmege jıylǵandar áıgili oıshyldyń ǵylym keńistigindegi kókjıeginiń keńdigin ashý maqsatynda S.Mahanbetovtiń «Ábý Nasyr ál-Farabı» týyndysy boıynsha chellendj ótkizdi.
«Ál-Farabı adam balasynyń dúnıetanymy jaıly tereńinen zerttep-zerdelegen ǵulama. Onyń artynda qalǵan mol murasy eshqashanda ózektiligin joǵaltpaıdy. Sondyqtan osyndaı sharalar jastarǵa qajet. Sebebi uly tulǵalarymyzdy umytpaı, qasterleý óskeleń urpaqtyń mindeti dep esepteımin», – deıdi jas jýrnalıst Taýnar Qaırat.
