Óskemende ál-Farabıdiń 1150 jyldyǵyna arnalǵan qysqy Ýnıversıada ótti
21-23 aqpan aralyǵynda ótken jarysqa 12 joǵarǵy oqý ornynyń stýdentteri qatysqan. Ýnıversıadanyń alǵashqy kúni stýdentter Prezıdenttik kópsaıystan baq synady. Ekinshi kúni kúshtik jattyǵýdan, al saıystyń sońǵy kúninde oq atýdan synǵy tústi.
Jarys qorytyndysy boıynsha, erler arasynda M.Qozybaev atyndaǵy SQMÝ stýdentteri úzdik shyqty. Ekinshi oryndy Ó.Sultanǵazın atyndaǵy QMPÝ sportshylary ıelense, S.Amanjolov atyndaǵy ShQMÝ jastary júldegerler úshtigin túıindedi. Qyzdar arasynda S.Amanjolov atyndaǵy ShQMÝ burymdylaryna teń keleri bolmady. E.A.Bóketov atyndaǵy QarMÝ ekinshi, Ó.Sultanǵazın atyndaǵy QMPÝ qyzdary úshinshi orynǵa ıe boldy.
Saıystyń bas tóreshisi Bolatbek Dúsipovtiń aıtýynsha, ýnıversıadadan soń túrli jarystarda el namysyn qorǵaıtyn Ulttyq qurama jasaqtalmaq.
Esterińizge sala ketsek, osyǵan deıin Óskemende VIII respýblıkalyq qysqy Ýnıversıada ótip jatqany habarlanǵan bolatyn.
