Óskemende adam ólimimen aıaqtalǵan jol apatyna sebepker júrgizýshi 2 jylǵa sottaldy
ÓSKEMEN. KAZINFORM – Óskemen qalasynda adam ólimimen aıaqtalǵan jol apatyna sebepker bolǵan júrgizýshi 2 jylǵa bas bostandyǵynan aıyryldy.
ShQO soty baspasóz qyzmetiniń málimetine súıensek, Lada Priora kóligi Óskemen men Kúrshim aýdanynyń arasyndaǵy tasjolda kele jatqan. Jyldamdyqty ruqsat etilgen shekten asyryp jibergen júrgizýshi rýlge ıe bola almaı qalyp, jol jıegine úıilgen topyraqqa soǵylǵan.
Osylaısha, kólik aýdarylyp ketti. Jol apaty saldarynan ishte otyrǵan jolaýshy oqıǵa ornynda kóz jumdy.
- Sot sheshimimen aıyptalýshy QR Qylmystyq Kodeksiniń 345-baby 3-bóligimen (Jol qozǵalysy erejesin buzýynyń abaısyzda adam ólimine ákelip soǵýy) kináli dep tanyldy. 2 jylǵa túrmege qamalǵan oǵan 5 jylǵa kólik aıdaý quqyǵynan aıyrý jazasy taǵaıyndaldy, - delingen aqparatta.
Úkim áli zańdy kúshine engen joq.
Eske salsaq, osyǵan deıin Shymkentte 6 jastaǵy jetkinshekti azaptap óltirgen týysy 20 jylǵa sottalǵany habarlanǵan.