Óskemende adam qaǵyp, oqıǵa ornynan qashyp ketken júrgizýshi ustaldy
ÓSKEMEN. QazAqparat - Polıtsııa qyzmetkerleri jol-kólik oqıǵasy bolǵan jerden boı tasalaǵan kólik júrgizýshisin anyqtap, ustady, dep habarlaıdy QazAqparat tilshisi.
Ustalǵan júrgizýshi úsh kún buryn Táýelsizdik kóshesi, №11 úıdiń tusyndaǵy júrginshiler jolaǵynda jaıaý adamdy qaǵyp ketken. Ol 26 jastaǵy Óskemen turǵyny bolyp shyqty.
Jol-kólik oqıǵasynyń saldarynan 25 jastaǵy zardap shegýshi kóp jaraqat alyp, aýrýhanaǵa tústi.
«Polıtseıler adamdy qaqqan kóliktiń sur tústi Toyota Sienna ekendigin anyqtady. Óskemendegi jáne oǵan jaqyn ornalasqan eldi mekenderdegi barlyq Toyota markaly avtokólikterdi tekserip, kameralardyń kómegimen olardyń qozǵalys baǵyttaryn anyqtaǵan», - dep málim etti ShQO ІІD baspasóz qyzmetinen.
Qazir sotqa deıingi tergeý bastalyp, barlyq qajetti protsessýaldyq áreketter júrgizilip jatyr.
