Óskemende adam qaǵyp, oqıǵa ornynan qashyp ketken júrgizýshi izdestirilýde
ÓSKEMEN. QazAqparat – Óskemen qalasynda jaıaý júrginshini qaǵyp, oqıǵa ornynan qashyp ketken júrgizýshi izdestirilýde, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetine súıensek, 31 tamyzda Mırnyı kentinde jaıaý júrginshini kólik qaǵyp ketken. Kýágerler birden polıtsııaǵa jáne jedel járdemge qońyraý shaldy.
«Keshe saǵat 21:00 shamasynda belgisiz júrgizýshi Safonov kóshesimen kele jatyp №47 úıdiń aldynda turǵan adamdy qaqqan. Osynyń saldarynan 33 jastaǵy azamat jaraqat aldy. Al kólik júrgizýshisi bolsa sol jerden iz sýytqan», - dep habarlady vedomstvo ókilderi.
Qazirgi ýaqytta polıtsııa qyzmetkerleri júrgizýshini izdestirip jatyr.
